香港新浪網 MySinaBlog
« 上一篇 | 下一篇 »
aulina | 24-Apr-08 | 一般

 

http://tvcity.tvb.com/focus/image/content_421_1.jpg

 看了幾集《一百萬人的故事》,總覺得有點兒不對勁。

這晚說窮小孩,劉嘉玲訪問的一段,少年背著鏡頭,答著你一星期有多少零用錢等等的問題,又是觀察力十足的小肥發現的「疑點」。

「佢果個LCD monitor嚟喎……真係窮?」

「1個星期有$10?我$1都冇喎!」

我沒有質疑裡面的故事的真實性,更沒有懷疑製作人的出發點。但是這畢竟不是一個新聞節目,而且是由愛出鏡的領導人來當主持,旁白煽情而令人難受(對比下,安德尊每每因為受訪者的遭遇而落淚「踏實」得多), 那些爛得要命的copywriting,有點兒讓我有想馬上打爛電視的衝動。

再回帶到嘉玲姐訪問即將升上中學的少年。

「你這10塊錢是怎麼花的?」(語帶驚訝,這也難怪,$10,國際巨星又怎能了解這麼小的數字的意義?)

「我會花$3。」

「$3可以買得啲乜嘢呀?」(我心裡想:你這樣的訪問技巧也未未太傷人了吧?我知道你很高貴很富有,但請不要看不起看窮少年的$3!) 


再回前一些,陳慧琳訪問品學兼優的「Eason仔」和Eason媽。詳細用字就不記得了,但基本上給我這個比局外人更局外人的觀眾的感覺,是覺得天后你的問題是不是有點兒那個了。我知道你問的其實沒有什麼態度上的問題,只是發問的內容,難掩假關心偽好人的心態。 

請看這些分別向小孩和小孩媽媽的問題:

「你生日有禮物嗎?會吃生日蛋糕嗎?」

「如果他想要玩具你怎麼跟他說?」

「他都知道的,所以不會提。」

「那如果生日呢?會送他禮物嗎?」

「沒有的,也許會帶他去一次麥當勞吧。或者用幾塊錢去扭蛋。」

「課外活動呢?你又怎麼和他說的?」

「他都知道的,所以不會提。」

以上的問答組合,大約重覆了10次。我看罷極度不是味兒。是誰設計出來的問題了?人家一家幾口樂天知命,早就知道自己不是富人家,想也沒有想過這些你們窮也未窮過的人心目中的「必需品」對人家來說有多必需。沒錢就是不會想到呀,有啥問題?你這樣追問是想人家在鏡頭前哭,然後申訴我很慘世界對我不公平這樣才罷休嗎?

Eason仔這一家,自力更生沒領綜緩,那小孩才8歲,是生性得和媽媽在街上撿紙皮被同學看到也丁點兒不會覺得尷尬,而且成績考第一的。不需要旁白,不需要明星登門訪問,只要直述他們的故事,就已經十分有看頭,足以令人印象深刻,足以令人反思了。

明星化與陳總化的效果,我家小肥看完這段,覺得人家就是幸福家庭,問了這樣一句:「咁其實呢個故仔講嚟做乜呢?」

我想了一會兒,有。就是表達製作人員對自己定位的不明不白。


再回到節目開始的一段,陳總在對著鏡頭用最靚仔最有良知的姿勢來玩主播扮演遊戲。說話內容大意如下: 

「以往我們就算是窮,可以穿二手校服、用二手書,靠自己的努力來向上……但是現在的學習生活,電腦、課外活動等已成了不可或缺的部份,窮小孩在這種情況下如何面對?」

天哪?什麼時候課外活動成了必要的部份?又有誰說課外活動一定要付錢的?

「媽咪,我哋都冇參加學校啲課外活動喎。」這次是呀細問的。

「你星期日有去學畫畫噃。」

「係喎,但係唔去都得架。」

對呀,「唔去都得架」。

小孩都懂的道理,製作單位卻不知道從哪裡來的思維說成非參加不可以,不參加是抑壓物質的追求,變成凡事忍受沒有的狀態,小孩長大於是不一定可以像Eason仔那樣樂觀,而是會對前路惘然,不知去向云云。

攪不懂吧?對,我也是看了好幾集已後也攪不清楚這為什麼成了理所當然的邏輯。


[1]

非常同意你的看法,我只看了半集就轉台不看了。跟你的感覺一樣,實在覺得讓那些明星去做探訪來得太假,好像作秀似的。

這樣的節目應該做得樸實點,直接將真相播放出來就很足夠了,不明白用那些明星的用意到底在哪里。

八月盛夏
[引用] | 作者 八月盛夏 | 24-Apr-08 | [舉報垃圾留言]

[2]

你們有點誤會了,這節目其實是讓大家知道那些明星的確是不懂得「窮」這字是怎麼寫的。


[引用] | 作者 M-ma | 25-Apr-08 | [舉報垃圾留言]

[3]

呢D思想陷阱 香港傳媒有好多
原因佢地寫果陣成日係由高地望落黎,突然變左聖人


[引用] | 作者 Cyrus | 25-Apr-08 | [舉報垃圾留言]

[4]

「但是現在的學習生活,電腦、課外活動等已成了不可或缺的部份」 好多人都咁講,但我會覺得 只係維持學生競爭力既其中一個元素者~

唔駛錢,去圖書館借下書 提升下語文能力都可以提升競爭力呀!(中四果陣覺得同年既人普遍都好差,所以不斷發奮 \"/)


[引用] | 作者 Cyrus | 25-Apr-08 | [舉報垃圾留言]

[5]

其實, 而家d 中小學下下要做project 上網搵資料, 電腦已經變成必需品了...

我最睇到呆係有一集阿吳君如做訪問的. 唔知點解個阿媽做十四個鐘都係得四千蚊(就算清潔都起碼係做十個鐘四千...), 而竟然會花一千落個仔度要佢去學繪畫。

呢個都仲可以理解為捨得駛錢落個仔度愛子心切,但係鏡頭一轉又講阿媽為省錢在街市專買d 差唔多爛的菜, 又為省電/煤氣錢而三餐中只有一餐是熱的, 仲係求其將d 野整熟就食, 食幾餐隔夜"送"食到自己嘔先再整一煲。我真係唔明一個阿媽點會咁唔識分輕重,無論點都係先解決生活必需然後先諗投資(俾個仔學野)啦!

唯有係希望個節目d 訪問費幫到佢地啦! 或者咁講,大家唔希望睇到個節目係獵奇式咁訪問完d 人就算(見到太唔合理而可以改變的情況, 最少要話俾人地知啦!!)....

yan
[引用] | 作者 yan | 25-Apr-08 | [舉報垃圾留言]

[6]

我只能夠講,
人地港台電視部既製作都比你一個堂堂電視台黎得認真而專業
而且人地"星期幾檔案"定係"新聞透視"每集都會帶出唔同既社會問題
請問今次無記既製作除左帶出左"3蚊可以買得D乜?"同埋"生日有冇蛋糕食?有冇禮物?"之類既問題,
仲講緊D乜?

你o個一對活寶貝他朝必成大器


[引用] | 作者 HoNgs | 25-Apr-08 | [舉報垃圾留言]

[7]

今晚睇Big Shots唔鬼睇添呀!


[引用] | 作者 mad dog | 25-Apr-08 | [舉報垃圾留言]

[8]

係一窮二白大特寫的訪問,我都見到有一部好新的電腦。不過陳公公感覺係抄日本個紀錄片,擺位,語氣,用字,邏輯,好鬼似。


[引用] | 作者 小奧 | 25-Apr-08 | [舉報垃圾留言]

[9]

HoNgs: 星期X檔案 同 新聞透視 都係無線出品架喎.

呢個節目真係幾廢咁喎. (我無睇架~ 加拿大要非法先可以第一時間睇到, 我唔會為無謂既野犯法.)
我諗, 係寫稿既問題. 老實講, 你問我三蚊可以買乜我都係唔知架~ (係, 我係外國人啦~ 唔熟香港嘛)
我覺得, 陳總用呢個節目既預算, 搞一個籌款節目, 同埋派錢俾人, 我覺得仲好過咁好追問人囉~ (至少會有人讚佢做善事)
陳總真係好乞人憎.

蛋治
[引用] | 作者 蛋治 | 25-Apr-08 | [舉報垃圾留言]

[10]

新聞透視果d係新聞部做, 呢d係綜藝組做, 你諗下綜藝組係做獎門人果d, 加埋親愛的陳總, 會做得出什麼一百萬人的故事啦?

blue
[引用] | 作者 blue | 25-Apr-08 | [舉報垃圾留言]

[11]

咪當做show咁做law,仲要係搵呢d大明星,擺明係完全不知民間疾苦果種...有話題掛

我勾了,一集也沒看過

rice
[引用] | 作者 rice | 25-Apr-08 | [舉報垃圾留言]

[12]

唉,一開始已不睇好,所以沒有看,朋友看過後都說有問題,更恐怖者,在網上看些好評,謂無記有心做節目。囧!!!


[引用] | 作者 nikita | 25-Apr-08 | [舉報垃圾留言]

[13]

好心做壞事又一例證!我冇懷疑佢地都想幫人,但因為態度問題搞到大家睇完只係覺得「噢,佢地好慘呀!」跟手熄機第二日再去買名牌,當咩事都冇發生過,情形就似嚮自己既安全環境下經歷一次歷險一樣!


[引用] | 作者 Frankie | 25-Apr-08 | [舉報垃圾留言]

[14]

我又不明為何藝人硬要建立那種所謂關心社會和正義的形象,結果每次有違道德時就大件事。既然他們不明白,就不明白吧!為何要硬作關心﹖

或者他們用錯詞,其實很多學校現在都必須用電腦、身邊每個人都參加要出很多錢的課外活動,例如樂器之類,嗯,這個情形由學校和家長造成,雖然有資助去拉近差距,但是時間上機會上他們還差一大截。

我未看過這節目,出發點我想是講自力更生不是不行,但難過以前,不過呢 - 「無線娛樂台製作」就露出尾巴囉!像在告訴藝人正義良心多過真正關心。

Him
[引用] | 作者 Him | 25-Apr-08 | [舉報垃圾留言]

[15]

本來都有點興趣睇下, 睇來又可以skip了

星期日檔案係有水平, 不錯看的說

yan
[引用] | 作者 yan | 25-Apr-08 | [舉報垃圾留言]

[16]

搞不懂個節目是想探討貧窮,還是揭露香港還有人在這樣的困境生存

問問題的其實有沒有想過原來生日不是理所當然有蛋糕,禮物..


[引用] | 作者 no reason | 25-Apr-08 | [舉報垃圾留言]

[17]

睇廣告已經覺得可以唔睇~
有陳生的節目,真係算把啦~
於是每日電視多o左時間休息,順便慳電~

miko
[引用] | 作者 miko | 25-Apr-08 | [舉報垃圾留言]

[18]

算啦~~呢單野好像是吳君如自己發起的,
後來比娛樂台搞先搞成甘!
那些問題設計 ,其實是 特登白痴問的,
起碼觀眾第一時間 入左腦記得
有小朋友只用$3元, 有媽媽吃兒子吃完的排骨!

如果想睇再反思一點, 我覺得港台做的活在邊緣來得甘透徹實在!

小勒
[引用] | 作者 小勒 | 25-Apr-08 | [舉報垃圾留言]

[19]

看了幾集,也不太明白這節目目的是什麼??

是要觀眾知道窮人點生活? 還是要觀眾知道原來那些藝人是如此無知??

又如果觀眾知道了窮人是點生活又如何?? 看了數集也不知道究竟想我地知什麼...

看其他介紹有錢人生活的節目,也會介紹他們是如何致富... 但這個介紹窮人的節目就只介紹窮人有幾窮,一天只可以用多少錢... 藝人就像看怪獸般表現無奈及驚訝....還有沒有其他呢??


[引用] | 作者 ohno | 25-Apr-08 | [舉報垃圾留言]

[20]

我細個家境好一般

想去課外活動,其實有d唔駛錢,要錢既咪自己慳埋慳埋囉

人地著到rave仔rave女果陣(我讀中學既年代可以一個書包兩k野),我又唔覺得係咩

又講開陳總真係乜節目都有佢份,好厭

睇呢d都係新聞透視穩陣

Gabriel
[引用] | 作者 Gabriel | 25-Apr-08 | [舉報垃圾留言]

[21]

本來尋晚想睇下套野講咩
一聽到陳先生講「以往我們就算是窮,可以穿二手校服、用二手書,靠自己的努力來向上……但是現在的學習生活,電腦、補習、課外活動等已成了不可或缺的部份,窮小孩在這種情況下如何面對?」

我就寧願熄左部電視...
「電腦、補習、課外活動等已成了不可或缺的部份」咩道理?


[引用] | 作者 fred | 25-Apr-08 | [舉報垃圾留言]

[22]

[引用] | 作者 no reason | 25-Apr-08 | [舉報垃圾留言]

[23]

又突然記起上次陳總安排幾條友仔去到玉珠峰都係回帶一番意圖洗底, 我叫佢近近地去天水圍回帶算吧啦....佢今次真係做了...陳總果然係從善如流....

blue
[引用] | 作者 blue | 25-Apr-08 | [舉報垃圾留言]

[24]

撇低誇張煽情o既手法,起碼個show叫做要大家去正視一下呢班極度弱勢社群,一個娛樂新聞台大可以拍多套獎門人無傷大雅喜喜哈哈;我會覺得縱然包裝手法有問題,但背後誠意值得肯定。

至於睇完會唔會真係令觀眾進一步去思考,呢個就係觀眾問題啦。若然受眾無心,拍得再好都無關啦,right?

「電腦、補習、課外活動等已成了不可或缺的部份」咩道理?

當人人都有,你無,你就disadvantage。你唔會真係唔明嘛?

當然你可以話阿邊個邊個無補習都可以做資優生,但大氣候係咁,你有能力都唔想個小朋友捨易取難啦;呢d個別成功例子除左稍為鼓舞人心外,其實無咩代表性架咋。


[引用] | 作者 WonderJimmy | 25-Apr-08 | [舉報垃圾留言]

[25]

我覺得最難頂的是陳總說他們如何努力都改變不了貧窮,我記得我小學時連零用錢都沒有..

咖啡之心
[引用] | 作者 咖啡之心 | 25-Apr-08 | [舉報垃圾留言]

[26]

我真係好睇唔順眼陳總,我msn display msg分別用以下句子形容過佢同佢個節目:

"陳志雲,面目猙獰",
"煽情多,實況少"

老實講,你想省靚自己公司既招牌,唔好搵d窮人黎較飛。我都相信佢地真係好貧困,但唔該唔好將d唔見得光既shot剪晒落個節目到...

好似:呻無得去出外去旅行;四千蚊綜緩搵一千學課外活動;買墨魚!!(家下街市買墨魚好貴架!!)

仲有好多想講...不過要食飯 =p,一句講晒:眼高手低 。


[引用] | 作者 keith | 25-Apr-08 | [舉報垃圾留言]

[27]

近來很多人談論這節目,被人鬧成咁,算不算收宣傳之效?


[引用] | 作者 readandeat | 25-Apr-08 | [舉報垃圾留言]

[28] Re: 八月盛夏
八月盛夏 : 非常同意你的看法,我只看了半集就轉台不看了。跟你的感覺一樣,實在覺得讓那些明星去做探訪來得太假,好像作秀似的。這樣的節目應該做得樸實點,直接將真相播放出來就很足夠了,不明白用那些明星的用意到底在哪里。

好有詩意的網名!

我想,明星的用意,如2號留言的M-ma所說……

aulina
[引用] | 作者 aulina | 25-Apr-08 | [舉報垃圾留言]

[29] Re: M-ma
M-ma :
你們有點誤會了,這節目其實是讓大家知道那些明星的確是不懂得「窮」這字是怎麼寫的。

經你這樣解釋,我完全明白了!

aulina
[引用] | 作者 aulina | 25-Apr-08 | [舉報垃圾留言]

[30] Re: Cyrus
Cyrus :
呢D思想陷阱 香港傳媒有好多
原因佢地寫果陣成日係由高地望落黎,突然變左聖人

你快啲記得你有乜想寫呀,話唔定出年AL講扶貧呀!

aulina
[引用] | 作者 aulina | 25-Apr-08 | [舉報垃圾留言]

[31] Re: Cyrus
Cyrus :
好多人都咁講,但我會覺得 只係維持學生競爭力既其中一個元素者~
唔駛錢,去圖書館借下書 提升下語文能力都可以提升競爭力呀!(中四果陣覺得同年既人普遍都好差,所以不斷發奮 \"/)

咪就係囉,學校同公家都有圖書館囉……

aulina
[引用] | 作者 aulina | 25-Apr-08 | [舉報垃圾留言]

[32] Re: yan
yan :
其實, 而家d 中小學下下要做project 上網搵資料, 電腦已經變成必需品了...
我最睇到呆係有一集阿吳君如做訪問的. 唔知點解個阿媽做十四個鐘都係得四千蚊(就算清潔都起碼係做十個鐘四千...), 而竟然會花一千落個仔度要佢去學繪畫。
呢個都仲可以理解為捨得駛錢落個仔度愛子心切,但係鏡頭一轉又講阿媽為省錢在街市專買d 差唔多爛的菜, 又為省電/煤氣錢而三餐中只有一餐是熱的, 仲係求其將d 野整熟就食, 食幾餐隔夜"送"食到自己嘔先再整一煲。我真係唔明一個阿媽點會咁唔識分輕重,無論點都係先解決生活必需然後先諗投資(俾個仔學野)啦!
唯有係希望個節目d 訪問費幫到佢地啦! 或者咁講,大家唔希...

我又唔係話完全唔使用電腦,但係其實唔一定要屋企有嘛,而家間間學校因為要教資訊科技,其實有一定規模的多媒體學習室(電腦室),如果學校知道校內低收入家庭較多,這種多時會在課後/週末開放的,同學一樣可以用囉。

你講那個,我很冷血地想,有時窮不是沒有原因的,有說窮則變,變則通,知窮而不去變通的後果,又不一定是社會的錯……

aulina
[引用] | 作者 aulina | 25-Apr-08 | [舉報垃圾留言]

[33] Re: HoNgs
HoNgs :
我只能夠講,
人地港台電視部既製作都比你一個堂堂電視台黎得認真而專業
而且人地"星期幾檔案"定係"新聞透視"每集都會帶出唔同既社會問題
請問今次無記既製作除左帶出左"3蚊可以買得D乜?"同埋"生日有冇蛋糕食?有冇禮物?"之類既問題,
仲講緊D乜?
你o個一對活寶貝他朝必成大器

港台角度會不一樣嘍……一陣寫一篇關於「新聞部」的製作,我爭d笑出眼淚來。

我兩個仔唔呻窮我就謝天謝地喇。:)

aulina
[引用] | 作者 aulina | 25-Apr-08 | [舉報垃圾留言]

[34] Re: mad dog
mad dog :
今晚睇Big Shots唔鬼睇添呀!

你真係時運高!

aulina
[引用] | 作者 aulina | 25-Apr-08 | [舉報垃圾留言]

[35] Re: 小奧
小奧 :
係一窮二白大特寫的訪問,我都見到有一部好新的電腦。不過陳公公感覺係抄日本個紀錄片,擺位,語氣,用字,邏輯,好鬼似。

那部電腦,也實在很難言明窮的定義的……

你就好啦,連日本紀錄片都識睇……我都唔識日文... @_@

aulina
[引用] | 作者 aulina | 25-Apr-08 | [舉報垃圾留言]

[36] Re: 蛋治
蛋治 :
HoNgs: 星期X檔案 同 新聞透視 都係無線出品架喎.
呢個節目真係幾廢咁喎. (我無睇架~ 加拿大要非法先可以第一時間睇到, 我唔會為無謂既野犯法.)
我諗, 係寫稿既問題. 老實講, 你問我三蚊可以買乜我都係唔知架~ (係, 我係外國人啦~ 唔熟香港嘛)
我覺得, 陳總用呢個節目既預算, 搞一個籌款節目, 同埋派錢俾人, 我覺得仲好過咁好追問人囉~ (至少會有人讚佢做善事)
陳總真係好乞人憎.

蛋治你有機會真係要睇下,跟住返嚟話我知我有冇踩佢嚟爭收視呀。

aulina
[引用] | 作者 aulina | 25-Apr-08 | [舉報垃圾留言]

[37] Re: blue
blue :
新聞透視果d係新聞部做, 呢d係綜藝組做, 你諗下綜藝組係做獎門人果d, 加埋親愛的陳總, 會做得出什麼一百萬人的故事啦?

orz,我連這樣也沒有留意呢!!!

aulina
[引用] | 作者 aulina | 25-Apr-08 | [舉報垃圾留言]

[38] Re: rice
rice :
咪當做show咁做law,仲要係搵呢d大明星,擺明係完全不知民間疾苦果種...有話題掛
我勾了,一集也沒看過

係囉,真係。今日我發現咗d嘢,綜藝組唔知人間疾苦,新聞部d常識都好驚下。快手回完留言整多篇大家笑下。

aulina
[引用] | 作者 aulina | 25-Apr-08 | [舉報垃圾留言]

[39] Re: nikita
nikita :
唉,一開始已不睇好,所以沒有看,朋友看過後都說有問題,更恐怖者,在網上看些好評,謂無記有心做節目。囧!!!

係我哋呢啲多嘴怪先咁多嘢講啫,鬼叫我哋又要睇又要鬧,以此 為樂咩。有心,做咗壞事囉。

aulina
[引用] | 作者 aulina | 25-Apr-08 | [舉報垃圾留言]

[40] Re: Frankie
Frankie :
好心做壞事又一例證!我冇懷疑佢地都想幫人,但因為態度問題搞到大家睇完只係覺得「噢,佢地好慘呀!」跟手熄機第二日再去買名牌,當咩事都冇發生過,情形就似嚮自己既安全環境下經歷一次歷險一樣!

回nikita時抄了你這句……

我發現,可能係我自己小人之心囉,真係有人覺得睇完想做嘢架,係就好嘍。

我呢,未睇就已經有做嘢囉。

aulina
[引用] | 作者 aulina | 25-Apr-08 | [舉報垃圾留言]

[41] Re: Him
Him :
我又不明為何藝人硬要建立那種所謂關心社會和正義的形象,結果每次有違道德時就大件事。既然他們不明白,就不明白吧!為何要硬作關心﹖
或者他們用錯詞,其實很多學校現在都必須用電腦、身邊每個人都參加要出很多錢的課外活動,例如樂器之類,嗯,這個情形由學校和家長造成,雖然有資助去拉近差距,但是時間上機會上他們還差一大截。
我未看過這節目,出發點我想是講自力更生不是不行,但難過以前,不過呢 - 「無線娛樂台製作」就露出尾巴囉!像在告訴藝人正義良心多過真正關心。

觀眾都是愚蠢的嘛。所以我們會信玉女歌手真的好傻好天真,也信偶像明星都是聖人。

有可能這真是娛樂節目來的,主角不是那100萬人,而是藝人的無知吧。

aulina
[引用] | 作者 aulina | 25-Apr-08 | [舉報垃圾留言]

[42] Re: yan
yan :
本來都有點興趣睇下, 睇來又可以skip了
星期日檔案係有水平, 不錯看的說

其實,星期日檔案我都有響其他博友度插過。唉,好失望囉。

aulina
[引用] | 作者 aulina | 25-Apr-08 | [舉報垃圾留言]

[43] Re: no reason
no reason :
搞不懂個節目是想探討貧窮,還是揭露香港還有人在這樣的困境生存問問題的其實有沒有想過原來生日不是理所當然有蛋糕,禮物..

似乎是沒有喇,因為,他們根本看不見。:(

aulina
[引用] | 作者 aulina | 25-Apr-08 | [舉報垃圾留言]

[44] Re: miko
miko :
睇廣告已經覺得可以唔睇~
有陳生的節目,真係算把啦~
於是每日電視多o左時間休息,順便慳電~

都係屋企兩個大帝未瞓先一齊睇啫,唔睇電視,我部機都會係長著,用咗嚟打機/煲碟。:)

aulina
[引用] | 作者 aulina | 25-Apr-08 | [舉報垃圾留言]

[45] Re: 小勒
小勒 :
算啦~~呢單野好像是吳君如自己發起的,
後來比娛樂台搞先搞成甘!
那些問題設計 ,其實是 特登白痴問的,
起碼觀眾第一時間 入左腦記得
有小朋友只用$3元, 有媽媽吃兒子吃完的排骨!
如果想睇再反思一點, 我覺得港台做的活在邊緣來得甘透徹實在!

我可能要自我修正一下看的角度和心態。

主角真的不是一百萬人。

aulina
[引用] | 作者 aulina | 25-Apr-08 | [舉報垃圾留言]

[46] Re: ohno
ohno :
看了幾集,也不太明白這節目目的是什麼??
是要觀眾知道窮人點生活? 還是要觀眾知道原來那些藝人是如此無知??
又如果觀眾知道了窮人是點生活又如何?? 看了數集也不知道究竟想我地知什麼...
看其他介紹有錢人生活的節目,也會介紹他們是如何致富... 但這個介紹窮人的節目就只介紹窮人有幾窮,一天只可以用多少錢... 藝人就像看怪獸般表現無奈及驚訝....還有沒有其他呢??

只能無奈囉。本來可以用同樣的資源去做出一些事情的。但願眼高手低之餘也真的可以起些什麼作用就好了。

aulina
[引用] | 作者 aulina | 25-Apr-08 | [舉報垃圾留言]

[47] Re: Gabriel
Gabriel :
我細個家境好一般
想去課外活動,其實有d唔駛錢,要錢既咪自己慳埋慳埋囉
人地著到rave仔rave女果陣(我讀中學既年代可以一個書包兩k野),我又唔覺得係咩
又講開陳總真係乜節目都有佢份,好厭
睇呢d都係新聞透視穩陣

我同你果代,有幾多屋企真係好有吖……

我淨係知,細個時同學仔在joyce買便服,我真的是沒有反應的。當較富有的同學仔都用名牌手袋當書包時,我真的沒有覺得什麼。

aulina
[引用] | 作者 aulina | 25-Apr-08 | [舉報垃圾留言]

[48] Re: fred
fred :
本來尋晚想睇下套野講咩
一聽到陳先生講「以往我們就算是窮,可以穿二手校服、用二手書,靠自己的努力來向上……但是現在的學習生活,電腦、補習、課外活動等已成了不可或缺的部份,窮小孩在這種情況下如何面對?」
我就寧願熄左部電視...
「電腦、補習、課外活動等已成了不可或缺的部份」咩道理?

以有錢人的角度看,唉吔,你地窮,冇電腦用,真係慘喇。

其實,係以自己角度標準去認定人地就一定因為冇自己有嘅嘢而唔開心咁囉……真係冇乜道理架。

aulina
[引用] | 作者 aulina | 25-Apr-08 | [舉報垃圾留言]

[49] Re: no reason
no reason :
http://tvcity.tvb.com/focus/content_421.html原來有捐贈行動

衷心希望有好結果。

aulina
[引用] | 作者 aulina | 25-Apr-08 | [舉報垃圾留言]

[50]

雖然很同情那些窮困的人,但那些巨星的表現認真令人不爽。最吊詭的是,這種揭露貧窮人口苦況的社會性節目,是以無線娛樂台名義製作的。

L
[引用] | 作者 L | 25-Apr-08 | [舉報垃圾留言]

Next