香港新浪網 MySinaBlog
« 上一篇 | 下一篇 »
aulina | 16-Oct-09 | 一般

有說女的是醫生、男的是律師,在香港買不起房子。

不知怎的,對這段扣應電話,聽了之後沒有覺得「嘩,香港樓檟真的瘋了喇,連傳統上被認為高收入的人都買不起。」,而是:「什麼?書唸那麼多,收入也不少,買個房子的數也不會算嗎?」

隨便亂搜,正苦的臨時律師的月入是46,230,公立醫院的新入職醫生也是四萬多元,二人合共月入9萬。假設二人月入相等,都沒有雙糧與花紅,年收入即為554,760,在完全沒有免稅額的情況下,各需上繳稅款63,949。供MPF每年交出12,000,每月家用、水電煤管理費差餉地租電話上網衣服鞋物外食消遣18,000(隨意數,就是說當二人家庭月入中位數為$6,750時,這是兩倍多,應足以配合醫生律師配的尊貴身份了),日常花費年支出為216,000。

可動用的年收入: 262811。兩人合起來,每年應可以儲起52萬。假設共同儲錢3年作買房子用,以1,500,000作為三成首期,向銀行做按揭,500萬的房子綽綽有餘。

$500萬在港島區買不到房子嗎?又是隨意亂搜,還是有很多$500萬以下的樓盤吧? 為什麼會買不起呢?

(我好像認真了一點)

認識的人中,兩夫婦都是月入不到二萬,打工十多二十年可以把房子供斷的大有人在,如果月入9萬多元的家庭都說是自己買不起房子,無知婦嬬如我者,只會在想像是不是有人理財不善,又或過份自命尊貴,不屑平民百姓安居樂業的籠居?

量力而為,賺多少就買/租自己能負擔的吧。認為自己富貴但得不到富貴的生活而大聲疾呼,和當年陷入負資產一族怨懟正苦打沉樓市令其血本無歸,不過是同一個鼻子的不同鼻孔在出氣吧了。


[1]

我倒沒有想過他們是否不懂計數, 但心裏第一個反應就是他們只是買不到他們認為襯得起身份的樓 (心頭高呀)。

樓, 許多人都是從細面積/便宜買起的。


[引用] | 作者 xq | 16-Oct-09 | [舉報垃圾留言]

[2]

所以特首咪寸佢你唔好諗住一開始買中環,那個女人仲話港島都貴。


[引用] | 作者 brownie | 16-Oct-09 | [舉報垃圾留言]

[3]

儲唔儲到咁多因人而定... 可能人地年年買新車, 一年買幾隻rolex daytona另又玩HiFi... 不過兩個人加埋月入差不多十萬唔該唔好話買唔到樓囉, 去死啦叫佢.


[引用] | 作者 mad dog | 16-Oct-09 | [舉報垃圾留言]

[4]

太陽晒嘛...


[引用] | 作者 Fatsoo | 16-Oct-09 | [舉報垃圾留言]

[5]

當日我聽住個女人打去問曾生,當時我第一個反應係︰唔係呀麻?醫生律師都買唔到樓?一係佢不善理財﹗一係佢要買"豪宅",例如︰同曾生一樣的豪宅﹗

有幾多錢就買點樣既樓,做得醫生律師,如果係新界區買豪宅,都一定綽綽有餘﹗就算要係佢所謂的中環區置業,簡簡單單一個單位一樣唔會係問題﹗但要係好似曾生個d獨立別墅,咁又真係要等等啦﹗哈哈~


[引用] | 作者 | 16-Oct-09 | [舉報垃圾留言]

[6]

娜姐:好!"槃"得好!
我直程有衝動打電話入去駁佢,打唔通咋!


[引用] | 作者 the inner space | 16-Oct-09 | [舉報垃圾留言]

[7]

我聽倒都覺得好出奇。就算兩個讀完大學都要還幾十萬學費,都無理由平樓仔都買唔倒。


[引用] | 作者 shumc | 17-Oct-09 | [舉報垃圾留言]

[8]

唔似點解,我覺得個乜小姐流流地,聽把聲一D都唔似讀過書/大學既人,好似d無知婦孺,唔知係咪做"妹".....

不過,突手的"豪宅/平民宅分層論",引起的迴響太大,可能會有反效果,原本正苦諗住土地政策不變,而家可能要出招.....

其實住居屋都幾好..平平地..價格實用..同埋價格真係貼近一個必需消費品價格.


[引用] | 作者 g | 17-Oct-09 | [舉報垃圾留言]

[9]

唔係架, 普通公務員理論上係可以供一個佢同佢收入嚴重不符既單位架,又唔驚俾人炒,幾貴都供得起啦,時間問題者


[引用] | 作者 Cyrus | 17-Oct-09 | [舉報垃圾留言]

[10]

果日我聽到真係滋一聲大笑, 果然係一代港女心態! 唔知仲以為高登友或tvger打上去玩煲吠.
問心我都覺得樓價貴, 不過仍然係可以應付. 只係近來豪宅升得太狂, 果位港女應為無豪宅不住, 到時買到樓價又跌, 唔通又phone-in鬧特首嗎?
我有同事既朋友想買樓, 問我將軍澳ok嗎? 我話除左果個新盤外, 其他都ok. 結果, 轉過頭佢話高價買左"手刀". 我問乜唔係講左果度環境"有問題"咩? 有人答我: 因為佢只會住一手樓.
我既回應: 哦.


[引用] | 作者 CP | 18-Oct-09 | [舉報垃圾留言]

[11]

我都心諗, 做醫生律師都買唔起樓?
咁做咕哩賣菜果d咪訓得街?

Daynight
[引用] | 作者 Daynight | 20-Oct-09 | [舉報垃圾留言]

[12]

公屋/居屋都真係錯喎。我男友屋企間格市正,又係半山,個廳有無敵海景,攪到我都想申請。
我都有諗過幾時可以買到樓,不過新樓太貴,而且好多都細到唔知點解講野會彈聲﹝多幾個人講野會聽唔到﹞,都係買舊樓/唐樓實際。


[引用] | 作者 Switchonann | 20-Oct-09 | [舉報垃圾留言]

[13] Re: CP
CP :因為佢只會住一手樓.

呁佢搵女朋友梗係一定要處女架嘞!

不敗的魔術師
[引用] | 作者 不敗的魔術師 | 30-Oct-09 | [舉報垃圾留言]

[14]

人家無話要買咩樓嘛﹖
可能人家住緊跑馬地千幾尺單位﹐淨係租金都四﹑五皮果隻﹐想買返一樣的樓﹐就梗係買唔起啦(大笑)

文少
[引用] | 作者 文少 | 18-Nov-09 | [舉報垃圾留言]