香港新浪網 MySinaBlog
« 上一篇 | 下一篇 »
aulina | 13-Jul-07 | 學院回憶

達明一派好像有一首叫作《那個下午我在舊居燒信》的歌,旋律與歌詞記不起來,只知道今午在準備清屋交場,我親身做了這曲的動作,回首看了這十多二十年來的我。 然後一併把白紙黑字的回憶與紀錄統統扔掉。

我竟然沒有不捨得。 小肥說的,回憶就在腦內。

數下來,沒有一千數百肯定沒有少的舊信,由小學時代到中學時代,最多的當然是那段流放的日子,然後輪到其他同窗好友負笈海外,換他們給我來鴻……那段十來二十歲的日子,有這麼多時間放在寫信上面,封封洋洋千字,滿載著心事、時事,還有許多足證我購物狂/儲物狂的罪證。

小學時代是80年代(初中後期不說了),開始有同學移民,二十幾年前大家小學程度,來來去去都是Hello, how are you?  It's snowing outside.  Merry Christmas.言簡,情卻一點兒不淺。

中學時代97前的一段日子,移民潮的頂峰,舉家移民的同學,數一數,一雙手的指頭都不夠用。翻著這堆舊信,百般滋味在心頭:這同學,我曾和她可以天天泡磨菇(煲電話粥)幾小時,然後每星期四五頁紙的東西南北無所不談過嗎?那,為什麼現在會完全沒有聯絡的呢?是我先把這份友誼丟下嗎?還是什麼原因讓大家沒有再對話的心情?

當然這堆舊信裡面,還有很多現在看來也非常好笑的事情:女校長大的,到了十來歲,有同學突然跳出深鎖的圍牆,第一件關心的事:交男朋友!emoticon 嘩,來來往往,那「青蔥歲月」,紙筆交流了不少戀愛心得哦!

然後,就是女生最愛的血拼。好像我20年來沒長大過,連舊信中所提的,大部份都是與採購有關的事情,例如:

「喂喂,憶蓮新碟出咗呀,你要張台版冇貨呀!我知你平版實冇興趣架喇,好彩我醒目,幫你去KPS見到呀,灣仔俾人抄到成$200架!」

又或者:「你張庾澄慶管不住自己好鬼難搵呀!講明呀,聽日去Chinatown見到有我就買架喇,不過買完我一定開咗佢dup完先寄俾你架!」

還有:「特別寄上Angel Wong剪報一張,睇完速速寄回,大把人未睇。」

尚有:「剪埋個封面你睇,如果你去開London唔該幫我睇下有冇呢張Chage & Aska嘅歐版CD,唔使寄返嚟呀,你自己飛返嚟帶俾我得喇,$300樓下照同我入,唔該!」

更多:「你個死嘢又去Manchester睇show,唔係落London睇咩?我要件sweatshirt呀,場刊呀,空郵貴就寄平郵返嚟啦。」

嗯,果然三歲定80。突然覺得現在可以上網買東西好幸福。

除了這些,當然還有一些與工作家庭和學業有關的。其中有一個頗特別的發現,到了90年代初,差不多每封給我的信都這樣寫:「你有email未呀?方便好多喎!」我忘了為什麼我好像一直沒有善用研究院時代的貓郵(可能有用,但沒有紀錄嘛),但真的有好多同窗和筆友這樣問過,起碼二十多封,都是出自不同人的手的。

最後一些發現,我唸本科時,大概在newsgroup交了不少世界各地的朋友,又以男生居多,五洋七大洲幾乎都有……想不起來,為什麼我會把自己家的地址也給出去讓人寄來真信和玉照呢?哦,現在看回來,很多位還蠻帥的!

更詭異的是,我在這些筆/網友中,找到遺忘了,但和現在有在這裡留言同名同姓的(也來自相同國家和城市),找天真的要證實一下會不會是同一位!

速速打完,大慨這篇錯字錯文法蠻多的,但實在有太多東西未收好了,又要幹活去。


[1]

感人呢

我收過的信,99%是冷冰冰的銀行信/政府信/宣傳品...


[引用] | 作者 Guy | 13-Jul-07 | [舉報垃圾留言]

[2]

我最捨不得扔舊信
那些信往往充滿很多回憶


[引用] | 作者 Frankie | 13-Jul-07 | [舉報垃圾留言]

[3]

"小肥說的,回憶就在腦內"
細路仔就係睇得開D. 我好唔捨得丟野...

Chage & Aska我老豆都有收藏!

我大學時所有emails(包括情人的)都saved咗響floppy disks度... Mac format. 宜家都無丟. :)

書信中學後既都未丟過.


[引用] | 作者 mad dog | 13-Jul-07 | [舉報垃圾留言]

[4]

不在香港才有心/有閒情日誌寫和寄信吧
尤其是現在,很少真的會寄信
不過我覺得親手寄的比email之類完全沒法比
還好在外國時收過, 有d 回憶


[引用] | 作者 rice | 13-Jul-07 | [舉報垃圾留言]

[5] Re:
Guy :
感人呢
我收過的信,99%是冷冰冰的銀行信/政府信/宣傳品...

我比你老這麼多年,比例上也是99%冷信... :P


[引用] | 作者 aulina | 13-Jul-07 | [舉報垃圾留言]

[6] Re:
Frankie :
我最捨不得扔舊信
那些信往往充滿很多回憶

所以我扔之前全都再看了一遍。


[引用] | 作者 aulina | 13-Jul-07 | [舉報垃圾留言]

[7] Re:
mad dog :
"小肥說的,回憶就在腦內"
細路仔就係睇得開D. 我好唔捨得丟野...
Chage & Aska我老豆都有收藏!
我大學時所有emails(包括情人的)都saved咗響floppy disks度... Mac format. 宜家都無丟. :)
書信中學後既都未丟過.

都唔係細唔細路,我「細路」時好多嘢都捨得,但係咁多年人咯,樣樣留樣樣收,好似越嚟越冇意義囉。特別係頭先睇信,好多嘢原來係唔開心,而一早唔記得咗,我幾喜歡呢個auto delete嘅自我調節,而家再睇多次疊信,又覺得冇錯係好多回憶,但係唔再記得,其實又唔係真係好大件事。

搬過咁多次留到而家,覺得係時係let go。丟完之後,突然好豁然開朗,唔知點解。


[引用] | 作者 aulina | 13-Jul-07 | [舉報垃圾留言]

[8] Re:
rice :
不在香港才有心/有閒情日誌寫和寄信吧
尤其是現在,很少真的會寄信
不過我覺得親手寄的比email之類完全沒法比
還好在外國時收過, 有d 回憶

eh... 都有一半係寄香港地址,即係係人地響外國,我響香港,咁都即係我細個唔理響邊都好有癮寫咁... :P

email好處係快同埋,唔嘥位,其實都幾好。世界唔同咗嘛,以前唔可能一日做到而家咁多嘢,咁我又好冷酷無情咁覺得,以前d嘢留返響以前啦,記得嘅都係美事,唔記得嘅咪有得佢唔記得算啦,樣樣都珍惜就冇嘢矜貴架喇。


[引用] | 作者 aulina | 13-Jul-07 | [舉報垃圾留言]

[9]

Heh. In additionl to writing letters to friends who have moved to Hongcouver, I also wrote a lot of faxes and fax them to classmates. Very mo liu.


[引用] | 作者 dengelina | 13-Jul-07 | [舉報垃圾留言]

[10]

這些是留在老時讀給後輩的同東西,怎麼可以扔了,快拾回來吧 orz

and 你搬家?


[引用] | 作者 小奧 | 13-Jul-07 | [舉報垃圾留言]

[11]

我想自從有E-MAIL以後﹐我也再沒有收過別人的信。。。就算朋友寄野俾的只是草草
幾隻字﹐話有咩係E-MAIL講喎!
初入大學時興起網上CHATROOM IRC﹐我同幾個同學仔柴娃娃同五湖四海的大學生係
網上聊天。我第一個認識在西班牙的網友到現在還有聯絡﹐後來他到英國深造大家
便由網友成為真正的朋友 。最近他來美國工幹我們又再次見面﹐連我老公也驚訝我
們相識的經過! 我想電腦網絡初期的用家也比較純潔﹐反觀現在的世界真是複雜得
多呢!


[引用] | 作者 姜阿牛 | 13-Jul-07 | [舉報垃圾留言]

[12]

我只相信紙和筆,只相信信才能讓感情真摯地傳遞,email只是種冷冰冰的工具...我不是現代人,但我猜跟我一樣的大有人在


[引用] | 作者 Heidi | 13-Jul-07 | [舉報垃圾留言]

[13] Re:
dengelina :
Heh. In additionl to writing letters to friends who have moved to Hongcouver, I also wrote a lot of faxes and fax them to classmates. Very mo liu.

I didn't even have a fax line in UK ah... telephony was so expensive!!!!


[引用] | 作者 aulina | 13-Jul-07 | [舉報垃圾留言]

[14]

對於我關於中學回憶就只有兩本紀代冊了。


[引用] | 作者 Gabriel | 13-Jul-07 | [舉報垃圾留言]

[15] Re:
小奧 :
這些是留在老時讀給後輩的同東西,怎麼可以扔了,快拾回來吧 orz
and 你搬家?

給你猜中了,就是不想讓後輩看到呀,太羞家了……十句有八句都是要買碟和最新娛樂新聞,然後就是仔仔女女(不是兒女那種呀),然後就是說第三者是非,有火的話,我真的想現在就燒掉呢。哈!

不是搬家,是自找麻煩,住了好多年的房子,牆早給兩小畫花撞破,傢俱也沒有一件像人用的了,所以趁暑假來個大修,順道做一個大日子的禮物喇。


[引用] | 作者 aulina | 13-Jul-07 | [舉報垃圾留言]

[16] Re:
姜阿牛 :
我想自從有E-MAIL以後﹐我也再沒有收過別人的信。。。就算朋友寄野俾的只是草草
幾隻字﹐話有咩係E-MAIL講喎!
初入大學時興起網上CHATROOM IRC﹐我同幾個同學仔柴娃娃同五湖四海的大學生係
網上聊天。我第一個認識在西班牙的網友到現在還有聯絡﹐後來他到英國深造大家
便由網友成為真正的朋友 。最近他來美國工幹我們又再次見面﹐連我老公也驚訝我
們相識的經過! 我想電腦網絡初期的用家也比較純潔﹐反觀現在的世界真是複雜得
多呢!

[細細細細聲講]我呀邊個是線上認識的……XD 那算是初期用家喇。:P 我的「網齡」差不多是本科時代就開始的,第一部modem是300bps內置的(嚇死未嚇死未?),還是我自己打開機殼裝上去的,當年是友儕間的科學怪人來的了(現在反而什麼都不懂……),算算,也十多年了!


[引用] | 作者 aulina | 13-Jul-07 | [舉報垃圾留言]

[17] Re:
Heidi :
我只相信紙和筆,只相信信才能讓感情真摯地傳遞,email只是種冷冰冰的工具...我不是現代人,但我猜跟我一樣的大有人在

我現在還有寫信的,是當義工與小朋友通信,但意義不一樣了。上面有說,十多二十年後看回,覺得那時說的,不太想讓孩子/後輩傳誦下去,不能見人哩……


[引用] | 作者 aulina | 13-Jul-07 | [舉報垃圾留言]

[18] Re:
Gabriel :
對於我關於中學回憶就只有兩本紀代冊了。

頭先都搵到唔只一本,但係而家唔係真係好想睇返囉,同而家個我相比,以前實在太……


[引用] | 作者 aulina | 13-Jul-07 | [舉報垃圾留言]

[19]

其實我的信都不會睇返了, 想掉又唔捨得...


[引用] | 作者 blue | 13-Jul-07 | [舉報垃圾留言]

[20] Re: Re:
aulina :
Gabriel :
對於我關於中學回憶就只有兩本紀代冊了。

頭先都搵到唔只一本,但係而家唔係真係好想睇返囉,同而家個我相比,以前實在太……

人會長大會變是正常的。

只要有信心明天會更好就夠。


[引用] | 作者 Gabriel | 13-Jul-07 | [舉報垃圾留言]

[21] Re:
blue :
其實我的信都不會睇返了, 想掉又唔捨得...

如果我屋企有一萬呎,我唔介意留多d。:P 好似好冷漠無情,但係掉咗唔等於我忘記哂過去嘛。真係掉得幾開心下架今日!


[引用] | 作者 aulina | 13-Jul-07 | [舉報垃圾留言]

[22]

Aulina﹐唔駛細細聲講喇!我身邊不少朋友都由網友便成情人再繼而成家立室。我個
西班牙網友個老婆都係咁識返黎﹐其實真係好普遍。只不過依家呢個社會複雜左﹐
太多人以網絡行騙﹐所以要帶眼識人!我的「網齡」咪又係同你差唔多﹐當年好多programme仲
係行緊DOS呀陰公!


[引用] | 作者 姜阿牛 | 13-Jul-07 | [舉報垃圾留言]

[23] Re: Re: Re:
Gabriel :
人會長大會變是正常的。
只要有信心明天會更好就夠。

對對對,剛剛英文那邊又在發牢騷,有多餘位,留返俾肥瘦雙雄好過啦,大個女喇,睇完記住,可以放手架喇。:)


[引用] | 作者 aulina | 13-Jul-07 | [舉報垃圾留言]

[24] Re:

阿牛,你又知我講乜,好鬼感動呀!


我諗起以前開dos都仲要前前後後諗下開Eten定係連線先,我果陣部腦先得唔幾得幾多MB RAM,好易死機呀!


[引用] | 作者 aulina | 13-Jul-07 | [舉報垃圾留言]

[25]

你好~第一次留言~因為實在被你的300bps modem嚇得下巴要掉下來...
我記憶之中我用過最早的也有1200bps啊... 記得有一段時間很流行irc的... 也在irc認識了不少朋友。
我不久後會搬家,近來正在把東西執拾,也找到了很多舊信,可是沒有你那麼灑脫,我把所有舊信都包起來再入箱...現在有一箱滿滿的舊信...


[引用] | 作者 nam | 13-Jul-07 | [舉報垃圾留言]

[26] Re:
nam :
你好~第一次留言~因為實在被你的300bps modem嚇得下巴要掉下來...
我記憶之中我用過最早的也有1200bps啊... 記得有一段時間很流行irc的... 也在irc認識了不少朋友。
我不久後會搬家,近來正在把東西執拾,也找到了很多舊信,可是沒有你那麼灑脫,我把所有舊信都包起來再入箱...現在有一箱滿滿的舊信...

你好呀!我年紀大嘛,真的有300呀,那部電腦,沒記錯是286來的... 但我跳過了1200和2400,再買己是14400了。(不是老吹呀,真的是自己裝,所以config記得好清楚架!)

我丟掉的,其實這麼多年搬屋每次都拿出來看了才收箱的,所以到了今次,可能已看上差不多十數次了,可以讓它們功成身退喇,因為我知道我這次看完,真 的不會再忘記嘛。寸金尺土。:P


[引用] | 作者 aulina | 13-Jul-07 | [舉報垃圾留言]

[27]

講開又講...
以前不會怕將自己的地址給新朋友...現在嘛...別說地址,電話email也不想給人...幸好有hotmail之類可以多開戶口來「粗用」。
你有用過BBS嗎?我讀書時host過BBS 呢...


[引用] | 作者 nam | 13-Jul-07 | [舉報垃圾留言]

[28] Re:
nam :
講開又講...
以前不會怕將自己的地址給新朋友...現在嘛...別說地址,電話email也不想給人...幸好有hotmail之類可以多開戶口來「粗用」。
你有用過BBS嗎?我讀書時host過BBS 呢...

有呀,幾紅下架我十幾歲果陣。XD你知女仔少嘛!!

唔只唔怕俾地址,電話真人見面乜都冇所謂(其實都係十幾年,唔知點解變化咁大),真係識咗好多人架果陣,工又搵到過喎,幾有趣。

你host單線果隻?我初初都係fidonet上面搵d傾音樂嘅站上,後來認識multi-line,站站上,成班人傾到冇停手,中文輸入法都係咁練速度返嚟架!


[引用] | 作者 aulina | 14-Jul-07 | [舉報垃圾留言]

[29]

信...已掉了好多回...不過這幾年已經沒甚麼信了.連會寫信給我的人都不在了.看來下一次搬家就沒這隻歌唱了. :P


[引用] | 作者 lu | 14-Jul-07 | [舉報垃圾留言]

[30] Re: Re: Re: Re:
aulina :
Gabriel :
人會長大會變是正常的。
只要有信心明天會更好就夠。

對對對,剛剛英文那邊又在發牢騷,有多餘位,留返俾肥瘦雙雄好過啦,大個女喇,睇完記住,可以放手架喇。:)

睇完記住,可以放手架喇。

呢句好認同


[引用] | 作者 Gabriel | 14-Jul-07 | [舉報垃圾留言]

[31]

我當年上網d朋友得返cp一個

講開都x年囉……:p


[引用] | 作者 Gabriel | 14-Jul-07 | [舉報垃圾留言]

[32] Re:
lu :
信...已掉了好多回...不過這幾年已經沒甚麼信了.連會寫信給我的人都不在了.看來下一次搬家就沒這隻歌唱了. :P

到時好似md姐咁,係哂email,save哂,floppy己經夠!掂。


[引用] | 作者 aulina | 14-Jul-07 | [舉報垃圾留言]

[33] Re: Re: Re: Re: Re:
Gabriel :
睇完記住,可以放手架喇。
呢句好認同

係咪突然覺得我好感性呢?哈哈哈!


[引用] | 作者 aulina | 14-Jul-07 | [舉報垃圾留言]

[34] Re:
Gabriel :
我當年上網d朋友得返cp一個
講開都x年囉……:p

厲害呀,果陣識到而家!服呀!
咁我都有……但佢唔睇我寫嘢個喎。


[引用] | 作者 aulina | 14-Jul-07 | [舉報垃圾留言]

[35] Re: Re: Re: Re: Re: Re:
aulina :
Gabriel :
睇完記住,可以放手架喇。
呢句好認同

係咪突然覺得我好感性呢?哈哈哈!

時而感性,時而好玩,人生才完滿嘛。

再者女性在適當時候感性,是賞心悅目的。


[引用] | 作者 Gabriel | 14-Jul-07 | [舉報垃圾留言]

[36]

我係Host單線果d!特登同阿爸講話好有用氹佢裝多條線比我!
果陣興一group人開一個系列的BBS,我join了個用星座做名的。不過不久之後就退出了。


[引用] | 作者 nam | 14-Jul-07 | [舉報垃圾留言]

[37] Re: Re:
aulina :
Gabriel :
我當年上網d朋友得返cp一個
講開都x年囉……:p

厲害呀,果陣識到而家!服呀!
咁我都有……但佢唔睇我寫嘢個喎。

(好細聲講)十年啦……

cp真係好好人,有個咁既阿哥唔錯架。


[引用] | 作者 Gabriel | 14-Jul-07 | [舉報垃圾留言]

[38] Re: Re:
aulina :
如果我屋企有一萬呎,我唔介意留多d。:P 好似好冷漠無情,但係掉咗唔等於我忘記哂過去嘛。真係掉得幾開心下架今日!

所以我而家好少要d有實體o既野, 錢, 多數係食左佢, 或者去旅行用左. 一唔係梗儲起啦


[引用] | 作者 blue | 14-Jul-07 | [舉報垃圾留言]

[39]

我仲有小六時的聖誕卡…
信就無啦,掉晒…


[引用] | 作者 domotoiceko | 14-Jul-07 | [舉報垃圾留言]

[40]

哇,點可能舍得掉左D信GA?系唔系连埋D邮票一齐掉埋?好可惜!好多'记忆'系要成日抄出来唸先至会真系'记得'GA.就好似你哇某年开始D FRIEND开始問有冇EMAIL,如果冇D信,真系問你,都未必一問唸得起.


[引用] | 作者 TANG | 15-Jul-07 | [舉報垃圾留言]

[41]

我有 那個下午我在舊居燒信 這首歌
用不用我send給你?


[引用] | 作者 網中人 | 15-Jul-07 | [舉報垃圾留言]

[42] Re: Re: Re: Re: Re: Re: Re:
Gabriel :
時而感性,時而好玩,人生才完滿嘛。
再者女性在適當時候感性,是賞心悅目的。

賞心悅目,我呢幾日執嘢搬嘢全家出動幫手,真係好鬼弱者...
Gabriel :
cp真係好好人,有個咁既阿哥唔錯架。

你梗係做大架喇,我都好恨有個呀哥。


[引用] | 作者 aulina | 16-Jul-07 | [舉報垃圾留言]

[43] Re:
nam :
我係Host單線果d!特登同阿爸講話好有用氹佢裝多條線比我!果陣興一group人開一個系列的BBS,我join了個用星座做名的。不過不久之後就退出了。

我以前都係特登裝多條線架,仲巴鬼閉自己開添呀。


[引用] | 作者 aulina | 16-Jul-07 | [舉報垃圾留言]

[44] Re: Re: Re:
blue :
所以我而家好少要d有實體o既野, 錢, 多數係食左佢, 或者去旅行用左. 一唔係梗儲起啦

我諗我以後都會從呢個方向出發。買咗唔用得個擺字嘅,真係由買果刻就要知道唔好!


[引用] | 作者 aulina | 16-Jul-07 | [舉報垃圾留言]

[45] Re:
domotoiceko :
我仲有小六時的聖誕卡…信就無啦,掉晒…

實體不再,長留心中!


[引用] | 作者 aulina | 16-Jul-07 | [舉報垃圾留言]

[46] Re:
TANG :
哇,點可能舍得掉左D信GA?系唔系连埋D邮票一齐掉埋?好可惜!好多'记忆'系要成日抄出来唸先至会真系'记得'GA.就好似你哇某年开始D FRIEND开始問有冇EMAIL,如果冇D信,真系問你,都未必一問唸得起.

其實全都是記憶喇,是呀,郵票都一起扔了,沒集郵很久了嘛。

我想你可能比我年青許多,所以還有心思久不久拿出來看。但是每次要看回這二十幾年來的東西,真的很累和發現很多不堪回首的事情... :P


[引用] | 作者 aulina | 16-Jul-07 | [舉報垃圾留言]

[47] Re:
網中人 :
我有 那個下午我在舊居燒信 這首歌用不用我send給你?

謝謝,這首我記得我是有的,只是cd不知收到哪兒去了。


[引用] | 作者 aulina | 16-Jul-07 | [舉報垃圾留言]

[48]

總覺得手寫的信是有生命的﹐所以捨不得丟掉。

曾經﹐我們討論很戇居的話題﹔曾經﹐你讓我做很無聊的心理測驗﹔曾經﹐我答應帶你吃至正肉骨茶﹐怎麼後來不了了之﹖曾經﹐我寫下最難寫的信﹐然而並沒有寄﹐至今還欠你那麼一句對不起。往事不堪回首﹐字凝於紙上﹐卻是連綿在回憶荒漠上的足印。


[引用] | 作者 bill | 16-Jul-07 | [舉報垃圾留言]

[49]

說起來﹐很久之前﹐我在usenet認識過一位Aulina Chan。同名同姓﹐又勁迷傑﹑蓮。

你話轎唔轎﹖


[引用] | 作者 bill | 16-Jul-07 | [舉報垃圾留言]

[50]

如果你要我張祼照,不妨俾個地址我。


[引用] | 作者 | 16-Jul-07 | [舉報垃圾留言]

Next